એક શરણાઇવાળો - દલપતરામ.
એક શરણાઇવાળો સાત વર્ષ સુધી શીખી,
રાગ રાગણી વગાડવામાં વખણાણો છે;
એકને જ જાચું એવી ટેક છેક રાખી, એક
શેઠને રીઝાવી મોજ લેવાને મંડાણો છે;
કહે દલપત્ત પછી બોલ્યો તે કંજુસ શેઠ,
ગાયક ન લાયક તું ફોકટ ફુલાણો છે;
પોલું છે તે બોલ્યું તેમાં કરી તેં શી કારીગરી,
સાંબેલું બજાવે તો હું જાણું કે તું શાણો છે.
2 comments:
સુંદર જાણીતી રચના...
સ્કૂલમાં ભણેલ અને ભણાવેલ આવા કાવ્યો અનાયાસે વાંચવામા આવે ત્યારે ફરી એક્વાર એ યાદો જીવંત બની ઉઠે છે.આભાર.
નીલમ દોશી.
http://paramujas.wordpress.com
ગુજરાતી બ્લોગ જગતમાં પા-પા પગલી કરતા "પરમ સમીપે"નું નામ ઉમેરજો હોં.
Post a Comment